ព្រឹិត្តិការណ៍បច្ចេកវិទ្យាដ៏ធំបំផុតនៅកម្ពុជានិងចាប់ផ្តើមពីខេត្តរតនគីរីនៅដើមខែមេសានេះ

បារខែម (BarCamp) គឺជាឈ្មោះកម្មវិធីដែលបង្កើតឡើងលើកដំបូងនៅ សហរដ្ឋអាមេរិកក្នុងឆ្នាំ ២០០៥ ក្នុង គោលបំណងប្រមូល ផ្ដុំអ្នកជំនាញខាងបច្ចេកវិទ្យា ដើម្បីចែករំលែកបទពិសោធន៍ពីគ្នាទៅវិញទៅមក តាមទម្រង់ថ្មីមួយ ដែលអាចចែករំលែកនូវអ្វី ដែលខ្លូន ចង់ចែករំលកទៅកាន់មនុស្ស ដែលចាប់អារម្មណ៍​​ ប្រធានបទនោះ។ ទម្រង់មួយនេះ ត្រូវបានអ្នកចូលរួម យកទៅបង្កើតតាមតំបន់ មូលដ្ឋានរបស់គេ ហើយព្រឹត្តិការណ៍នេះបានរីកសាយ ទូទាំងពិភពលោក ព្រឹត្តិការណ៍នេះបាន រៀបចំឡើងនៅតាមបណ្ដាទីក្រុងជាង ៤៥០ទីក្រុងលើពិភពលោក។
បារខែមក្នុងប្រទេសកម្ពុជា​ បាន​ពង្រីក​កម្មវិធី​នេះ នៅ​តាម​បណ្ដា​ខេត្ត​មួយ​ចំនួន​ទៀត​ រួម​មាន៖ រតនគីរី បាត់ដំបង បន្ទាយមានជ័យ សៀមរាប កំពង់ចាម ស្ទឹងត្រែង កំពត ព្រះសីហនុ តាកែវ ក្រុងភ្នំពេញ រួច​មក​ហើយ ។ តាមរយៈ​ព្រឹត្តិការណ៍​​ បាខែម​​កម្ពុជា យើង​​បាន​ចែក​រំលែក​ចំណេះ​ ដឹង​ជា​ច្រើន ទាក់ទង​នឹង បច្ចេកវិទ្យា​អ៊ីនធឺណិត​ វែប​សាយ បច្ចេកវិទ្យា​ទូរស័ព្ទ​ បច្ចេកវិទ្យា​ប្រព័ន្ធ​ ផ្សព្វផ្សាយ​សង្គម សហគ្រិនភាព ​អាជីព​ការងារ និងជំនួញ។
“បារខែមរតនគិរី២០១៧” ព្រឹត្តិការណ៍ចែករំលែកចំណេះដើម្បីលើកកម្ពស់វិស័យ ទេសចរណ៍ បដិសណ្ឋារកិច្ច និង​បច្ចេកវិទ្យា។ កម្មវិធីនេះបានរៀបចំជារៀងរាល់ឆ្នាំ នៅរាជធានីភ្នំពេញ ចាប់តាំងពីឆ្នាំ២០០៨ រហូតមកដល់បច្ចុប្បន្ននេះ ដោយឡែក បារខែមរតនគិរីបានធ្វើលើកដំបូងក្នុងឆ្នាំ ២០១៣ មកផងដែរ។
បារខែមរតនគីរី ២០១៧ ក្នុងឆ្នាំនេះ នឹងប្រមូលផ្ដុំការជួបជុំ សហគ្រិនវ័យក្មេង អ្នកជំនាញខាងអាជីវកម្ម អ្នកជំនាញបច្ចេកវិទ្យា សាស្ត្រាចារ្យ និងនិស្សិត ដើម្បីចែករំលែក ចំណេះដឹងនិងបទពិសោធន៍ ក្នុងវិស័យបច្ចេកវិទ្យា និងការ​ចាប់ផ្ដើមជំនួញ​ ព្រមទាំងមានការតាំង​បង្ហាញ ផលិតផល​ អាជីវកម្ម សេវាកម្ម ផងដែរ។

បារខែមរតនគិរី ២០១៧ នៅខេត្តដាច់ឆ្ងាយពីរាជធានីភ្នំពេញ តែមិនជាឧបសគ្គ! បារខែមរតនគិរីបានមកដល់ហើយ

ក្រោមប្រធានបទ សិក្ខាសាលាបច្ចេកវិទ្យា និងការចាប់ផ្ដើមជំនួញ
ថ្ងៃទី ១ – ២ មេសា ២០១៧
ទីកន្លែង៖ សាលាអន្តរជាតិ អាស៊ាន ប្រីដ ខេត្តរតនគីរី

ផែនទី : https://goo.gl/maps/qQMvPjXqdL62
ព័ត៌មានលម្អិត :
លេខទូរស័ព្ទ: ០១០ ៣០​ ៧៥​ ៧៥
អ៊ីម៉ែល: info@barcampcambodia.org
ចូលរួមដោយសេរី ឥតគិតថ្លៃ – It’s FREE
Official Social Media Hash-Tag : ‪#‎barcampRatanakiri